نيتك إيه يارفيقي..!!

ونويت السفر والغربة والترحال بعيد ياوطن ... ونويت السؤال عن نفسي بعد غياب طال... ونويت مرجعش اقول لحد مالك ولاحتي إيه جرالك... ونويت بالغربة أكون ضي يظهر مكان مايحب ومكونش ثابت في مكان .. وارحل من بلد لبلد واكون همزة وصال بين المحبين ... نويت اكون الضي الصعب المنال واللي يكون المحال واكون انسان غريب عن الكل لاصاحب ولاصديق ولا اخو اكون نويت اكون عاشق لنفسي ولهان بذاتي بعيد ع الكون نويت اعبد ربي واحب ربي ورسول ربي واكون انسان لا عبد ولا عربيد ولاظالم ولا مظلوم بعيد عن كره القلوب وبعيد عن كره النفوس موافق تكون كده مش تخاطبني وخاطب نفسك من جوه موافقني .... كده غلط عايزك توافق نفسك ...اصل انا مين عشان توافقني وانته مين عشان اوفقك في الاخر انا انسان بعقل وانته إنسان بعقل .وكان فين عقل وعقلك لما قتلنا بعضينا وجوعنا ناس زينا لا انا المفروض اعيش ولا انته كمان بس تعرف إن دي حكمة ربك وخلقنا عشان نعيش ونعمر كوكب كله اعطال بس المهم تكون صالح وهو هيعمر.... إنما صالح إزاي بكدبك وبخداعك ... ياصالح يابتاع المصالح لو الكون ده دام لغيرك كان يدوملك... يابني إنسان انته اتكرمت ع الحيوان وعمرك ماكنت اوفي منه وعمرك مايوم ارتفعت بيك الأماني لخير تعمله ارجع لنويت فالنيه صالحه للخير ومش بتأثر ع شر كان وقال الحبيب عليه الصلاة وافضل سلام "إنما الأعمال بالنيات ولكل إمرئ مانوي" وقال ربنا رب العباد "إن العبد ليعمل أعمالا حسنة فتصعد الملائكة في صحف مختمة فتلقى بين يدي الله فيقول: ألقوا هذه الصحيفة فإنه لم يرد بما فيها وجهي" فافهم ياإنسان نيتك هدفك المصون اللي هتعمله ... انوي خير تؤجر ... انا مثلاً نويت اعيش حر ومش هضر ومش هخون ومش هبيع إنسان نيتي أبوابها مفتوحة وكتيره ونيتك إنته بقي طيب قولي كده ؟؟ هو إنته نويت قبل ماتصلي وقبل ماتصوم وقبل ماتخرج وقبل ماتلعب وقبل ماتذاكر وقبل كل حاجه ولو نويت وجهت نيتك لمين ؟؟؟ انا نيتي خليتها لوجه الكريم ... أصل ربنا عظيم محدش يحس بيك زيه ولا قده ولا حد في حياتنا وكوبينا يشفعلك عنده إلا برضاه يبقي من دلوقتي نويت اعيش شهم ومش سهم خيانه وغدر نويت اجيب لصاحب الحق حقه ولو من مين نويت متاجرش بديني وبدم أي جريح ومصاب وشهيد نويت أكون إنسان ولاكونش ملاك ولاجان نويت أحب ربي وابويا وامي وصاحبي وجاري نويت احترم البنت ام جيبه وام بنطلون نويت احترم العاقل والمجنون نويت زميلتي دي أختي واختي تاجي وشرفي نويت لو وقفت في يوم في الشارع وشفت كفيف اجري واقوله بسيطه نعديها سوا نويت النظاف اقوله ياموظف مش يازبال نويت احافظ ع عهد ووعدي وقانوني بكشافتي وعمل الخير أبدي من أي حاجه تضيع وقتي نيتي انشر الخير واحبب الناس في بعض واصلح كل متخاصم نيتك إيه يارفيقي

                                                          عبدالله يوسف