أيـــــــــــــــــــــــــــــون لازمن ولابد منه انى اتكلم على الموضوع المهبب ده
الا ما بقى فى راجل يتقال عليه راجل ف الزمن ده
والبنات يعينى هبله بتصدق الاسطوانات "ولا كأنهم بيتفرجوا على تلافسيون ولا افلام عربيه اصيله " الواد من دول يضحك على البت بكلمتين مسهوكين (انتى مراتشى وام ولادى قال يعنى اللى زى ده هيبقى له خلفه اصلا,,,,,,,,,,,,,,
ولا تحبى ياروحى الوان الشقه تبقى ايه ؟ وهو اصلا ساكن مع ابوه وامه وخالتو وجوزها وولادها فوق السطوح بالشكك )
ولا كام ورده معفنين وكانزايه من امو اتنين جنيه ونص تبقى البت (هايسه ولايسه )ولو طلب منها مقاس جذمتها تدهوله "عـــــــــــــــــــــــاتشى جدا مش بقولكوا بنات هبله "
واللى زاد وغطى اليومين دول الرجاله اللى موش رجاله اللى بيسمعوا كلام اللى حواليهم ويبقوا شبه شبشب الحمام ابو ورده فى كل رجل شويه .......
يروح يعمل راجل على خطيبته ولا مراته ومن وراها يروح لصحابه يحكيلهوم على كل اللى بيحصل
ولا فارق معاه شكلها ولا منظرها ولا سمعتها ..............لا والاكتر يزنوا فى ودنه عشان يبقى مسيطر (مسيطر ايه بلا نيلا وانت شبه الشراب المقطع يا بهيم)
واللى عايز يجيب واحده بنت ناس متستته ومتكرمه عشان يتجوزها ويخليها خدامه ليه هو واهله (خدامه فى عينك وعين اى واحد يفكر فى كده.... دى وخداك تكفير ذنب يا حبوب اه اومال ايه )
الحقيقه بقى ان الرجاله بتوع دلوقتى محتاجين اسمه ايه ده ؟؟اه "كورسات فى الرجوله" عشان يقدروا النعمه اللى ف ايديهم
مش رجوله يا ابن الناس انك تيجى عليها مع ان الرسول وصاك وقالك "رفقا بالقوارير"
مش رجوله انك تشحطط معاك بنات الناس وتخلى سمعتهم على كل لسان زفر
مش رجوله انك تخليها تحلم بيك وبكل كلامك السيس وفى الاخر توقعها على جدور رقبتها
وفى نهايه كلامى بقولك يا ندل منك ليك ....................."دايــــــــــــــن تـــــــــــــــــــــدان"
وكفايا عليكوا كده
ومن غير ســـــــــــــــــــــــلام
قلم أمل السيد
ليست هناك تعليقات:
إرسال تعليق