القراءة بطريقة سريعة
نصائح للقراءة بطريقة سريعه
*ركز كويس و ادي اهتمام حقيقي للي بتقرأه, كل ما ركزت كل ما كانت قدرتك على الاستيعاب و القراءة أسرع. " يعني بلاش تتعامل مع الكتاب زي ما بتتعامل مع التليفزيون :)، ممكن تتعامل معاه زي ما بتتعامل مع البلايستيشن "
*من الممكن انك تعدي بيعنك سريع على القطعة اللي هتقراها بحيث انك تاخد فكرة عامة قبل ما فعلا تقرأ " ده بيديك فكرة عامة انت هتقرأ إيه "
*حاول متكلمش نفسك أثناء القراءة.
القراءة بطريقة سريعة
و ده بيحصل بطريقتين: انك فعلا تكون بتقرأ بصوت عالي. أو انك تكون بتعيد الكلام في سرك أثناء القراءة. " و كلنا بنعمل كدة طبعا "
في الحالتين ده بيقلل من قدرتك انك تقرأ أسرع لأنه بيربط سرعتك في القراءة بسرعتك في الكلام اللي هي أبطأ أكيد.
القراءة بتكون أسرع باستخدام العينين و المخ لأستيعاب الكلام و فهمه. " لأن المخ بيعالج المعلومات بسرعة رهيبة إذا عرفنا ندربه علي كدة "
*حاول تقرأ الكلمات في مجموعات، القراءة كلمة بكلمة بيقلل سرعتك و استيعابك.
-*تكرار قراءة نفس العبارات مرة ورا التانية مش هيساعدك انك تفهم أحسن و هيضاعف وقت القراءة. من الأفضل أنك تبذل أكبر تركيز في القراءة من المرة الاولى.
-*غير سرعتك في القراءة على حسب مدى سهولة القطعة اللي بتقراها و طريقة كتابتها. في كتب من الضروري انك هتحتاج وقت أطول في قرائتها و انك تكون بتمشي فيها بسرعة أقل.
القراءة بطريقة سريعة
يعني مثلا لو مرجع أو مواد قانونية بالتأكيد قرائتها هتاخد وقت أطول و طريقة قراءة أبطء، و على العكس مع المجلات و الجرايد. بينما أن الشعر مثلا او المسرحيات متعتها بتكمن في انها تتم قرائتها ببطء او رتم غير سريع بحيث ان متعتها تكون أكبر.
*التدريب ثم التدريب ثم التدريب
* أخيرا استمتع و انت بتقرأ و خليك واثق إنك بتعمل حاجة عظيمة
ليست هناك تعليقات:
إرسال تعليق