شباب سيس

سلوك الشباب بصفه عامه

جيلنا غير كل الاجيال وشبابنا غير كل الشباب جيل جمع بين البلاى ستاشن والاتارى اللى يدوب بتجيب ماريو جمع بين الجوابات والتليفون الارضى مروروا بالموبايل والانترنت و البلاك بيرى وخلافه شاف جرس الباب اللى كان بيتشعبطله عشان يدوس عليه وشاف بردو التكتافون طبيعى نبقى جيل مختلف ومليان تناقضات كتير وسلوك مختلف هنشوف مع بعض مظاهر اختلافه

تسقيط البنطلون

تلاقى الشاب من دول مسقط بنطلونه لغايه ركبته وبيبقى منظره استغفر الله العظيم وسادد ودنه لمجرد انه يقلد الشباب الكول بتاع امريكا واروبا وكلمه من هنا للصبح ولا هو هنااااااااااااااااااااااااااااا عاوز من ده وبس

المنظره الفارغه

وده بالنسبه للبنت او للولد عاوزين احدث موبايل احدث لاب توب تلاقى الواحد فيهم ماشى ف الجمامعه لافح اللاب توب على كتفه(قال يعنى المذاكره مقطعه بعضيها وهو واخده اصلا عشان الفيس بوك) والبنت من دول ماشيه حاطه الموبايل على ودنها وشغاله رغى وهى اصلا محدش معبرها ولو اتحرجت ورن تقولى (سورى اصل انا عامله الويتنج بصوت)

المكياج الاوفر

بجد بقى منظر مستفز البنت بقت وش دوكو مدهون مش اكتر حاطه كيلو من البودره و15 كيلو من المسكره مخليه رموشها زى الشمسيه اللى حطاها عشان الشمس ده غير ريحه البيرفيوم اللى جايبه اخر الشارع

الحجاب ابو ميت

طرحه نفسى اعرف البنات اللى بيعلو الطرح دول بيبقوا واخدين ترخيص بنا ولا دى تتحسب مخالفات مليون طرحه بمليون شكل ده غير الاوصه اللى ملهاش ستين لازمه عشان تورى بس ان شعرها حلو وانها صبغاه ومكلفه

الفيس بوك

مش قادره احدد ده سلبيات ولا ايجابيات بس الشاب والبنت بقى كل حياتهم على الفيس مع العالم الافتراضى بعيد عن العالم اللى بجد يا شباب ويا بناتاخرجوا بره الفيس بوك وخليكوا ايجابين (سوشيالز :)) وبغض النظر عن كل المظاهر السلبيه والغريبه اللى ف جيلنا دى بس خنفضل جيل تركيبته غريبه وهنفضل الجيل اللى اتقال علينا سيس وعملنا اعظم ثوره ف العالم(اى نعم لسه مكملتش بس معلش) استغلينا اللى بنملكه ووقفنا ايد واحده لحد ما عملنا اللى احنا عاوزينه وهنفضل وراه وان كان على كل السلبيات دى ماهو دايما الحلو مايكملش.

قلم أمل السيد